Policia sapo ka arrestuar në flagrancë një gjyqtar që po merrte para për një vendim.
Në pranga të policisë mësohet se ka rënë gjyqtari Ibrahim Hoxha si dhe i biri, Ledion Hoxha.
Ka pasur info që kishte një rast korrupsioni nga njera palë, bëhet fjalë për një proces civil prone për të cilin do jepej vendimi neser. Gjyqtari ka çuar te birin për të marrë lekët ne emër të të atit. Është arrestuar ne flagrancë i biri dhe më pas është arrestuar edhe i ati.
Gjyqtari i arrestuar ka komunikuar me palën qe do paguante në këmbim të vendimit. Policia ka sekuestruar sms ne telefonin e gjyqtarit dhe palës. Mesazhet mes gjyqtarit dhe palës kanë të bëjnë me shumën dhe vendin e takimit si dhe menyrën e marrjes së parave. Kanë diskutuar qe të shkojë vetë gjyqtari, por më pas kanë rënë dakord qe të shkoj i biri.
Arrestimi i tyre ka ardhur pasi ata kanë marrë 6 milionë lekë për një vendim.
Ledion Hoxha ishte futur në lokal për të marrë paratë.
Bashkë me gjyqtarin Hoxha dhe djalin e tij janë arrestuar edhe dy persona të tjerë, të cilët duket se janë personat që do të jepnin paratë.
Në momentin e arrestimit të kapur në flagrancë gjyqtari nuk ka bërë rezistencë dhe ka lejuar në këtë mënyrë oficerët të kryejnë veprimet e nevojshme.
