Kreu i PD, Lulzim Basha, i është përgjigjur akuzave të bëra nga kryeministri Edi Rama, lidhur me biznesin e kunatit të tij.
Basha tha se sot Rama e ka fare të thjeshtë pasi kontrollon gjithçka, dhe nëse kunati i tij ka shkelur ligjin atëherë Rama mund ta çojë para ligjit, në të kundërt ta qepë.
Kunati im është privat, dhe marrëdhëniet e tij janë privat privat. Rama 5 vjet që ka pushtetin, ai ka në dorë drejtësisë, tatimet,SHISH-in, dhe nëse kunati im ka bërë një gabim për tu kapur, atëherë ai mund ta çojë para ligjit në të kundër ta qepë. Kunati im nuk shet drogë, nuk ka shkelur ligjin. Asnjë nga klientët e kunatit tim, nuk ka marrë leje nga unë dhe s’ka për të marrë kurrë. Rama e ka kontrolluar imtësisht. Ai është vënë në shënjestër të këtyre sulmeve. Ai nuk ka shkelur asnjë ligj, nëse ka shkelur le ta vejë para ligjit’, tha Basha.
