Policia e Beratit ka arrestuar sot një 47-vjeçar të cilit i janë gjetur në banesë, lloje të ndryshme të drogave dhe disa municione.
Sipas policisë i arrestuari është Landi Bixheku, 47 vjeç, banues në Berat.
Njoftimi i plotë
Kapet dhe ndalohet poseduesi i 2.5 kg Heroinë dhe 441 kg Cannabis Sattiva.
Në vijim të operacionit “Kalaja” si dhe pas një pune intensive nga Seksioni Kundër Narkotikëve dhe Trafiqeve u bë ndalimi i shtetasit të shpallur në kërkim:
Landi Bixheku, 47 vjeç, banues në Berat.
Shpallja në kërkim dhe ndalimi i shtetasit të lartpërmendur u bë pasi në banesën e tij në lagjen “13 Shtatori” gjatë kontrollit u gjetën 441 kg lëndë narkotike Cannabis Sattiva e përpunuar në formën e Çokollatës , 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike”, “Mbajtja e armëve dhe municioneve ushtarake”, parashikuar nga nenet 283/, 278 të Kodit Penal.
