Lojtari me origjinë shqiptare, Benjamin Kololli shënoi një nga golat e tij më të rëndësishëm në karrierë në Europa Ligë në ndeshjen midis Zyrihut dhe AEK Larnaka.
Kololli shënoi nga pika e bardhë e penalltisë, dhe më pas erdhi dhe çudia. 26-vjeçari pasi kaloi reklamat e fushës që të shkonte për të festuar me tifozët nuk e pa që pas tyre fshihej një gropë e madhe në të cilën u rrëzua.
Por duket se rënia në gropë i ka dhënë fat lojtarit shqiptar. Ditën e djeshme ai ka qenë sërish protagonist për skuadrën e Zyrihut duke dhënë asist në golin që i dha fitoren skuadrës së tij.
Pas kësaj në vlerësimet e bëra nga gazeta zvicerane “Blick” lojtari është zgjedhur për të qenë pjesë e formacionit të javës.
