Ndërsa Kuvendi mblidhet për të votuar ligjin për Teatrin, jashtë Aleanca në mbrojtje të Teatrit po proteston.
Sazan Guri i bëri thirrje maxhorancës të mos votojë prishjen e teatrit kombëtar.
Sazan Guri: “Sot nis një epoke e re por e shtrembër. Nuk do donim ti lejonim luksin kryeministrin të bëjë atë që i bëri kuksianëve, duke i vënë në gjumë. Nuk mund të vendosen kundra interesave publike. Dua ti bëj thirrje opozitës të lënë Sazan, Karaburun Vlorë por të ndodhen sot këtu për të kundërshtuar ligjin. Ju parlamentarë mblidhni mendjen.”
Ne Kuvend
Mazhoranca pritet të votojë sot në Kuvend ligjin për Teatrin e Ri.Socialistët kanë pranuar dekretin e Presidentit Meta për ligjin e teatrit, duke bërë disa ndryshime, më e rendësishme është ajo e hapjes së garës për këtë projekt.
Gjithashtu, në ligj parashikohet të ngrihet një komision i negocimit të kontratës për teatrin e ri që do të bëjë edhe thirrje të hapur palëve që janë të interesuar të paraqesin propozimin për teatrin e ri.
Opozita vijon marrëdhënien e kushtëzuar me Kuvendin dhe sot do të zhvendosë takimin e saj në Vlorë. Megjithatë në seancën e sotme plenare do të marrin pjesë dy deputetët e LSI-së, Lefter Koka dhe Vangjel Tavo.
Siç bëjnë me dije burime nga LSI, ata do jenë vetëm për procedurë pasi janë në limitet e afatit 6 mujor të mosprezencës në sallë. Tavo dhe Koka kanë munguar për arsye familjare.
Një ditë më parë kryetari i PD, Lulzim Basha u bëri thirrje deputetëve të mazhorancës që të reflektojnë dhe të mos miratojnë ligjin që i hap rrugë prishjes së teatrit.
Në një dalje për mediat pas takimit me një grup artistësh, kryedemokrati tha se nëse deputetët e rilindjes ngrenë kartonat do të trajtohen politikisht nga opozita se terroristë shtetërore.
Basha nga Vlora akuzon Ramën si hajdut: Ligji për Teatrin, akt i paprecedent
Paralelisht me seancën plenare në Tiranë, opozita është mbledhur në Vlorë prej nga ku denoncoi aktin e vjedhjes së pronës publike me ligjin e Teatrit të ri.
Me Monika Kryemadhin dhe Shpëtim Idrizin në krah, Lulzim Basha, tha se mazhoranca u kap në akt vjedhje me ligjin e Teatrit.
Basha: Ndërsa ne jemi mbledhur në këtë sallë në sallën e Kuvendit të Shqipërisë një mazhorancë e korruptuar dhe inkriminuar deri në palcë po ndërmerr një akt të paprecedentë në historinë 300 vjeçare të Europës.Edi Rama dhe hadutët dhe kriminelët e tij në parlament bashkë me një luftë delesh u kapën flagrant në aktin e vjedhjes përmes procedurës së përshpejtuar dhe ligjit special Rama-Fusha për grabitjejn e pronës publike dhe Teatrit Kombëtar me qëllim që së bashku me mafien e drogës dhe përfaqësuesit e tyre në industrinë e ndërtimit të ngrinin 7 kulla me një vlerë 200 milion eurash. Nga Uashingtoni në Bruksel nuk ka njeri që se kupton më që Edi Rama është hajdut me damkë, qëllimi i vetëm i të cilit është të mbahet pas karriges për të zhvatur edhe centin e fundit dhe pasurinë e fundit publike të shqiptarëve.
Kjo është tryeza e katërt e vendimeve të opozitës.
