Policia e Fierit ka sekuestruar 15oo fara kanabis gjatë një kontrolli në makinën e një personi që udhëtonte në aksin rrugor Levan-Tepelenë.
Astrit Hodo, 55 vjeç nga Tirana, me banim në Allias është vënë në pranga pasi në hyrje të autostradës LevanTepelenë, gjatë kontrollit të ushtruar në mjetin tip “Benz” me targa AA 913 LG, në çantën e krahut iu gjetën 1500 fara bime narkotike e dyshuar si kanabis.
U sekuestruan në cilësinë e provës materiale 1500 farat e bimës narkotike si edhe mjeti me të cilin po udhëtonte.
Dyshohet se Hodo i kishte blerë farat e kanabisit për t’i mbjellë më pas.
