Gjatë udhëtimit për në Suedi, këngëtari kosovar i hitit “Dale”, është ndaluar për kontroll në aeroportin e Malmos në Suedi.
Këngëtari Lindon Berisha ka udhëtuar së bashku me Adrianin dhe Florianin, ndërsa sapo kanë zbritur në aeroportin e Malmos pas kontrolleve të rregullta, Lindoni është ndarë nga grupi dhe është marrë në pyetje nga inspektorë të policisë.
Shkak i dyshimeve, siç ka shpjeguar vetë këngëtari, ka qenë “mjekra e tij” dhe ngjyra e lëkurës, të cilat kanë shtyrë policët që të kontrollojnë dosjen e tij.
Pas disa minutave në pyetje i është lejuar kalimi në tokën e Suedisë, ku ka pasur një ndër koncertet më të mira në karrierën e tij.
Së fundmi, treshja Adriani, Lindoni, Floriani, kanë marrë pjesë në shumë mbrëmje në Evropë dhe në vend, me çka janë dhe një ndër këngëtarët më të kërkuar të estradës shqiptare.
