“Jam i pafajshëm, erdha në Shqipëri për turizëm”, kështu është shprehur piloti italian Giorgo Riformato i cili ka apeluar vendimin e Gjykatës së Krimeve të Rënda.
Ai u dënua me 15 vite burg nga Gjykata e Krimeve të Rënda. Ndrësa Gjykata e Apelit ka vendosur që t’i ulë me tre vite burgim Riformatos, duke lënë në fuqi dënimin me 12 vite burg.
Ai deklaron se kishte ardhur në Shqipëri për turizëm dhe se avioni kishte kryer ulje të detyrueshme në plazhin e Divjakës për shkak se kishte defekt teknik. Riformato u dënua me 15 vite burg në shkurt të këtij viti, pasi u shpall fajtor për trafik droge.
Ngjarja për të cilën akuzohet Riformato ndodhi ne 9 maj të vitit 2014 kur avioni Piper që do transportonte drogë bëri ulje të detyrueshme në plazhin e Divjakës duke mbetur në rërë.
Por krahas zbulimit të një linje ndërkombëtare narko- trafiku, ngjarja përkoi edhe me një klimë të nxehtë akuzash nga palët politike.
