Policia e Gjiokastrës ka arrestuar tre persona të cilët vodhën dhe keqtrajtuan fizikisht shtetasin me iniciale M.L.
Ndërkohë është shpallur në kërkim bashkëpunëtorin e katërt.
Sipas policisë, në pranga u vunë Erment Hasanaj, 31vjeç, banues në Fratar, Mallakastër; Kelmend Skënderaj, 22vjeç , banues në Poçem, Mallakastër; Ermal Aliaj, 24vjeç , banues në Poçem , Mallakastër dhe u shpall në kërkim shtetasi J.I , 26 vjeç , banues në Vlorë. Ngjarja ndodhi në 19.03.2016 në Mogila. Këta persona i zunë pritë shtetasit M.L , banues në Fier, në segmentin rrugor nacional Krahës – Memaliaj dhe e keqtrajtuan fizikisht dhe më pas i kanë vjedhur me dhunë një shumë lekësh, një telefon celular dhe një sasi të konsiderueshme stekash me cigare.
Në cilësinë e provës materiale u gjetën dhe u sekuestruan 151 steka me cigare të llojeve të ndryshme dhe 180 qese me duhan të grirë. Vijon puna për kapjen e autorit të katërt të shpallur në kërkim.
