Kur ju bini në dashuri papritmas filloni të mendoni për jetën në çift.
Një gjë është e sigurt: Jeta në martesë do të jetë shumë më e ndryshme nga sa ishte parashikuar. Sepse martesa shënon një evolucion, jo vetëm në lidhjen e dy personave, por edhe në marrëdhënie me veten.
Këtu janë dhjetë këshilla për një martesë të lumtur:
- Kur duhet të flisni- Kjo tingëllon e rëndomtë, por nuk është aspak. Në vend të supozoni se tjetri duhet të kuptojë nevojat tuaja, filloni t’i artikuloni ato. Me qartësi, mirësi dhe ndershmëri.
- Më mirë hesht- Ka raste kur heshtja është vendimi më i urtë që ju mund të ndërmerrni. Prisni para se ta thoni atë fjalë ose të lëshoni një fyerje të rëndë. Më mirë largohuni nga shtëpia me një pretekst banal dhe kthehuni me një diskutim të qartë mendje.
- Ndiz kureshtjen- Një udhëtim ëndrrash së bashku, një projekt në të cilin punoni krah për krah, receta dhe shije të reja për të eksperimentuar në kuzhinë: Ndiz kureshtjen, çdo ditë. Konsiderojeni atë bashkëpunëtorin tuaj më të mirë.
- Koha juaj- Ku e shpenzon kohën tënde? Kurthet janë shumë, nga interneti tek bisedat disa orëshe me mikeshat. Filloni duke i kërkuar vetes se çfarë konsideroni të rëndësishme për marrëdhënien tuaj…dhe sa përparësi po i jep cilësive të jetës.
- Lëviz- Sipas një studimi të fundit rreziku për të patur probleme me rritjen e peshës është 37%, nëse bashkëshorti është obez. Krijo një rutinë pozitive të të ushqyerit: Një dietë e shëndetshme dhe zakoni për të lëvizur mban trupin në formë.
- Gjej burimet tuaja- Prano rrezikun. Një marrëdhënie nuk është një mënyrë për të shmangur ndjenjën e vetmisë dhe për të gjetur siguri. Zbuloni burimet tuaja, duke pranuar trishtimin dhe vetminë: Dashuria vjen vetëm kur të mësoni të doni veten.
- Plani i biznesit- Rreth 40% e grave amerikane pranojnë se i fshehin burrit një fetë të blerjeve mujore: Ide e keqe. Ai e konsideron familjen si një kompani. Nëse keni borxhe, duhet të ndani angazhimet dhe objektivat, në mënyrë që të zhvilloni strategjitë më të mira për të ndihmuar në ndryshimin e situatës. Krijoni një plan të përbashkët veprimi që do t’ju lejojë të bashkoni forcat dhe të merrni në konsideratë një horizont më të gjerë.
- Sinqeriteti- Zakoni për të gënjyer rrit ndjenjën e ankthit, siç e shpjegojnë studimet e fundit. Trajtojeni partnerin tuaj me ndershmëri dhe veproni në përputhje me vlerat tuaja.
- Kërko falje- Kërkimi i faljes është një shenjë e pjekurisë, fuqisë dhe inteligjencës. A jeni duke debatuar? Përqëndrohu në atë që është duke thënë tjetri dhe dëgjo arsyet e tij. Komunikimi dhe jo debati pa argument, bën që lidhja të zhvillohet dhe rritet.
- Bashkë- Çfarë ëndrrash kishit kur jeni njohur? Problemet dhe rutina nuk mund t’ju shtypin ëndrrat që kishit sepse përndryshe rrezikoni të ktheheni në të huaj. Ëndrrat kultivohen së bashku. Gjeni frymëzimin dhe jetoni gjithçka.
Burimi: TgCom24
