Federico Chiesa është një xhevahirët më të kërkuar në Serinë A. Këtë e vërteton më së miri interesimet që kanë shfaqur tre klubet më të mëdha në Itali, Milan, Juventus dhe Inter. Juve e dëshiron lojtarin që kur ai kishte bërë ndeshjet e para në Serinë A. Në gusht, ditën e transferimit të Marko Pjacas te Fiorentina, Giuseppe Marotta u mundua ti merrte një gjysmë premtimi familjes Della Valle për sa i përket lojtarit.
Jo vetëm periudha e mirë që po kalon me Fiorentinën, por dhe ndeshja fantastike që zhvilloi kundër Polonisë, ka tërhequr vëmëndjen e tifozëve e drejtuesve në Itali. Sapo u fut në lojë, Chiesa ndryshoi krejtësisht rrjedhën e takimit, duke arritur ti ndryshonte ritmin, dhe të fitonte penalltinë për kombëtaren e tij, që më pas u shënua nga Jorginho.
Por, në garë janë edhe Milani me Interin. Në fakt, kuqezinjtë kanë parakaluar kushërinjtë zikaltër, në garën për sulmuesin anësor. Në këtë moment, skuadra e Gattusos është e vetmja që jep garanci për aktivizimin e rregullt të 20-vjeçarit. Mbetet për tu parë se cila do të jetë e ardhmja e Chiesas, që konsiderohet një nga talentët më të mëdhenj italianë në vitet e fundit.