Gjiganti italian Juventus ka marrë një lajm të keq, pasi mesfushori i saj Miralem Pjanic është dëmtuar duke luajtur për Bosnjën.
Në minutën e 82-të, Pjanic u largua duke çaluar nga ndeshja që Bosnja e fitoi 2-1 kundër Irlandës Veriore në Ligën e Kombeve.
Ende nuk është e qartë se cila është shkalla e lëndimit të tij, apo se ku është lënduar saktësisht.
Bardhezinjtë nuk guxojnë ta humbasin njërin prej yjeve të skuadrës, pasi do të ndeshen me skuadrën e vendit të dytë, Sassuolon, në Serie A më 16 shtator, e pastaj Valencian në Ligën e Kampionëve më 19 shtator.
