Biseda e fundit e dy pilotëve që humbën jetën tragjikisht gjatë fluturimit të helikopterit të FA-së, Donald Hoxha dhe Floran Delia, ka qenë me kullën e komunikimit në Rinas.
“…Jemi mbi Vermosh…, gjithçka po shkon mirë, do fluturojmë mbi liqenin e Shkodrës dhe më pas do përfundojmë fluturimin në bazë…”
“EC145” ka dhënë koordinatat e fundit me kullën e vrojtimit në Rinas pak minuta para se të rrëzohej.
Në komunikimin e fundit ushtarakët nuk kanë raportuar asnjë anomali teknike, por vetëm kanë dhënë vendodhjen dhe lartësinë e fluturimit dhe pas kësaj komunikimi është mbyllur.
Pas kësaj, kulla në Rinas tentoi të lidhej sërish në radio me dy pilotët, por nuk mori përgjigje.
