Pavarësisht se shkroi historinë me Realin e Madridit duke fituar 3 herë rresht Ligën e Kampioneve, Zinedine Zidane nuk mori pëlqimin e të gjithë lojtarëve tek madrilenët.
Mesfushori spanjoll, Dani Ceballos, i ka dalë kundra teknikut francez duke u shprehur se ai nuk e aktivizonte qëllimisht atë.
“Për shkak të situatës, ndjeja zhgënjim dhe pakënaqësi nga Zidane. Kur Kroos apo Modric nuk ishin të gatshëm të luanin, trajneri ndryshonte sistemin dhe unë ngelesha jashtë. Unë nuk mora minuta as kur ekipi thjesht duhet të administronte rezultatin, madje as kur ne nuk kishim më mundësi ta fitonim La Ligan”, shprehet Ceballos.
Pas largimit të Zidane ai aktivizohet më shumë. Tashmë mesfushori ka arritur të fitojë edhe një ftesë nga Spanja e Luis Enriques për ndeshjet e Ligës së Kombeve.
