Pavarësisht deklaratave optimiste të kryeministrit Edi Rama se punë ka, duket se socialistët e thjeshtë mendojnë ndryshe.
Socialistët që kërkojnë punë mblidhen gjithmonë pranë Partisë Socialiste kur kjo e fundit zhvillon mbledhje të grupit parlamentar.
Socialistët ndalojnë shpesh deputetët socialistët për t’iu qarë hallet dhe për të kërkuar punë siç dhe deputetët iu patën premtuar gjatë zgjedhjeve. E ndërsa deputetët e kalojnë këtë çast me një buzëqeshje fallco dhe premtimin standard se do të interesohen për ta, kur në fakt sapo largohen i harrojnë menjëherë socialistët e thjeshtë.
Por kryeministri Rama është treguar më real se deputetët e tij.
Ai është dukur i nervozuar kur ka dalë nga selia e PS, ndërsa një grup mbështetësish i kërkonin punë.
Rama është fotografuar teksa dilte nga mbledhja e grupit nën shoqërinë sekretarit të punësimeve në PS, Taulant Balla, ndërkohë që një grup socialistësh i kanë treguar CV kryeministrit duke kërkuar vend pune.
Objektivi i aparatit ka kapur Ramën teksa debaton me qytetarët. Ndoshta u ka thënë që socialistët nuk duhet të kërkojnë punë në shtet, ose ndoshta iu kanë thënë që të nisin ndonjë shkollë profesionale…
