Pasuroni dietën tuaj të përditshme me anë të ushqyerjes me fruta arrore!
Mjafton një grusht të këtyre frutave ta konsumi çdo ditë, dhe ju do ta mbani trupin të shëndetshëm dhe do të qëndroni vital gjatë gjithë kohës!
Frutat arrore përmbajnë të gjitha vlerat ushqyese!
Janë të pasur me energji, protein, të mbushur me antioksidantë, vitamina, minerale si dhe omega-3 acide yndyrore. Frutat arrore janë të shijshme dhe një dhuratë e mrekullueshme për njerëzit nga nëna natyrë.
Këto fruta ju bëjnë shoqëri kudo. Ju mund t’i mbani me vete kudo që shkoni. Kanë afat të gjatë dhe nuk prishen lehtë! Ju mund ti shijoni në çdo kohë, kur të duani dhe nuk kërkojnë fare kohë për përgatitje.
Frutat arrore dhe llojet e farave mund të konsumohen ashtu siç janë, ose të kripura apo edhe të ëmbël. Mund të përdoren edhe si dekor mbi deserte në sasi të vogël të grimcuar. Gjithashtu, mund të përdoren si shtesë në bukë, biskota, ëmbëlsira, muffins, biskota.
Bajamet dhe vlerat ushqyese të saj
Janë shumë të shijshme, njihen si mishërim i mirëqënies së trupit dhe shëndetit. Janë burime të pasura me vlera ushqyese që janë thelbësore për shëndetin.
Sipas botanikës, janë fruta nga pemë të mesme që i përkasin familjes Rosaceae, me gjininë: Prunus. Gjatë viteve të fundit, bajamet kultivohen në shumë rajone të botës, e cilësuar si një kulturë e rëndësishme tregtare.
Emri shkencor: Prunus dulcis
Bajamet kanë lëkurë ngjyrë kafe nga jashtë, formë ovale deri në konike, gjatësi deri në 2 cm dhe gjërësi deri në 1 cm, si dhe peshojnë prej 1-1.5 gr.
Përfitimet shëndetësore të bajameve
Bajamet janë burime të pasura me vitamina dhe minerale. Bajamet paraqesin një nga komponentët bazë për energji si dhe vlera ushyese. Këto fruta janë të pasur me acide yndyrore oleike dhe palmitoleike, që ndihmojnë në uljen e kolesterolit të keq dhe rritjen e kolesterolit të mirë në trupin e njeriut. Bajamet janë burim i shkëlqyer i vitaminës E, e cila paraqet një antioksidant të fuqishëm për tretjen e lipideve dhe mbrojtjen nga efektet e dëmshme të radikaleve të lira.
Bajamet janë të mbushura me grupe të rëndësishme të vitaminave B-kompleks si: riboflavin, thiamin, acid pantothenic, vitamin B-6 dhe acid folik. Të gjithë këto vitamina funksionojnë së bashku si faktorë në metabolizmin e njeriut.
Për më tepër, bajamet janë gjithashtu një burim i jashtzakonshëm i mineraleve, të tilla si mangan, kalium, calcium, hekur, magnez, zink dhe selen.
Vaji i bajameve, i nxjerrë nga këto fruta, mund të shërbejë si zbutës. Nëse aplikohet rregullisht, ndihmon në mbrojtjen e lëkurës nga thatësia. Gjithashtu ky vaj përdoret edhe në barëra të ndryshme tradicionale apo si vaj esencial në aromaterapinë farmaceutike si dhe në industrinë kozmetike. Një grusht bajame në ditë ofron nivelet e rekomanduara të mineraleve, vitaminave dhe proteinave.
Përzgjedhja dhe ruajtja
Bajamet mund të gjenden në çdo dyqan apo treg. Mund të vijnë në paketime të ndryshme, me lëvozhgë apo të qëruara, të kripura ose me sheqer etj. Gjatë blerjes shihni nëse bërthama ka ngjyrë kafe të ndritur, është kompakte dhe një formë në madhësi dhe ta ndjeni rëndë në dorë. Bajamet mund të mbahen në vend të freskët dhe të thatë për disa muaj.
Profile i sigurisë
Bajamet mund të paraqesin alergji dhe të reagojnë në disa substanca ushqimore tek njerëzit. Lloji dhe ashpërsia e simptomave mund të ndryshojë, ku përfshihen të vjella, diarre, dhimbje barku, ënjtje e buzëve si dhe vështirësi në frymëmarrje. Andaj personat që kanë reagim ndaj ushqimeve që përmbajnë bajame, duhet të kenë kujdes dhe ti shmangen atyre.
