Turqia kërkon të kthehet në Republikë Islamike. Këtë e tha pak ditë më parë kryeparlamentari turk por është përsëritur sërish nga anëtarë të tjerë të partisë turke AKP.
Pak ditë më parë kreu i parlamentit turk Ismail Kahraman deklaroi se “nuk na duhet laiciteti, të kthehemi në Republikë Fetare pasi shumica e banorëve në Turqi janë myslimanë”.
Ky ka qenë një objektiv i hershëm i partisë së drejtuar nga Erdogan dhe tashmë është kthyer në objektiv fiks.
Që kur u bënë zgjedhjet e parakohshme në nëntorin e shkuar, Erdogan kishte këtë synim.
Ai doli më i fuqishëm se kurrë nga zgjedhjet dhe ka mundësinë të ndryshojë kushtetutën në çdo moment.
Nuk do të ishte një befasi ndryshimi i kushtetutës pasi Erdogan e ka paralajmëruar shpesh një gjë të tillë.
