Operacioni antidrogë “Dexter” u finalizua me sukses në arrestimin e 27 personave, mes tyre 7 shqiptarë në Itali.
Grupi i rrezikshëm kriminal, merrej me trafikimin e tregtimin e drogave të llojit kokainë dhe hashash në Italinë e veriut. Policia italiane bashkëpunoi me atë shqiptare që të shkatërronin bandën e trafikut të drogës.
Gjatë mëngjesit të sotëm u arrestuan dhe 2 persona, që kërkoheshin në Itali.
Policia shqiptare informoi se në Shqipëri u mundesua lokalizimi i personave me shtetësi shqiptare, të cilët ndodheshin në territorin e Republikës së Shqipërisë dhe është bërë i mundur arrestimi i tyre në bazë të arrestit ndërkombëtar të lëshuar nga autoritetet gjyqësore italiane.
Gjatë këtij operacioni janë arrestuar shtetasit A.P., vjeç 32 dhe A.N., vjeç 44, ndërsa në total janë arrestuar 27 persona, prej të cilëve 7 shqiptarë dhe 20 shtetas italianë.
http://video.corriere.it/droga-paesi-bassi-31-arresti/aa2c7cd6-0c6e-11e6-a4db-66a817deaada
