Këtë javë, një nga lajmet që bëri më shumë bujë ishte publikimi i një audio-përgjimi ku dëgjohej një bisedë me Denar Bibës, kryetar i KQZ-së dhe Ledi Biankut, gjykatës pranë Gjykatës së të Drejtave të Njeriut në Strasburg. Biba thoshte ndër të tjera në atë telefonatë se kishte porosi nga Engjëll Agaçi për të ndërhyrë në çështjet e gjyqeve me pronat që ish-pronarët kanë çuar në Strasburg.
Për këtë arsye, Sekretari i Përgjithshëm i Kryeministrit, Agaçi dhe Biba kanë qenë në qendër të akuzave nga opozita këtë javë. Por, mesa duket, ky fakt nuk e ka shqetësuar fare Agaçin. Ai është fotografuar në plazhin e Dhërmiut, në shezlongët luksozë dhe të shtrenjtë, teksa bën plazh me bashkëshorten e tij. Qetësinë ta shton fakti se në një vend si i yni, tashmë dihet, çudia më e madhe tri ditë zgjat.
