Nga Boldnews.al
Ndërsa vriste mendjen si të plotësonte “minutazhin televiziv” të ERTV, kryeministri kapi temën e turizmit dhe thirri për të ndarë lajmin e mirë kryebashkiakët e tij socialistë. Ashtu si çdo takim, ku Rama flet dhe ata dëgjojnë, kreu i qeverisë komentoi me superlative për punën e bërë, rritjen turistike si kurrë më parë sipas tij dhe mesazhet që dha se shumë prej kryebashkiakëve do të jenë sërish kandidatët potencial për zgjedhjet e ardhëshme lokale.
Ndër emrat që personifikohet e majta në pushtetin lokal janë Lali Eri, Lal Qzimi dhe Gjushi Durrësit. Që të tre mprihen për mandatin e radhës, pasi konsiderohen si zotër të bashkive që qeverisin, teksa sigurojnë votat me të gjithë format shpesh antiligjore, por që kurrë nuk u proceduan. Por Rama emrat që do të rikanddojnë i la ti prezantonte publikisht në një kohë tjetër, pasi dje u mbajt me temën e turizmit.
“Ky është një vit që mund konsiderohet mjaft domethënës, dhe përbën një pasqyrë të plotë që asaj që është arritur dhe mund të arrihet. Mjafton të kemi parasysh se kemi një rritje të rëndësishme të numrit të turistëve dhe afro gjysmë miliardi euro të futura në ekonomi, nga turizmi se sa vitin e kaluar”-deklaroi kreu i qeverisë. Padyshim kjo shifër e qarkulluar apo arkëtuar në buxhetin e shtetit si “të aqrdhura nga turizmi”, shpejt do i gjendet vendi.
Flitet se do të investohet në infrastrukturë, ujësjellësa dhe rrugë dhe kjo është mënyra më e mirë për të futuar të dyja duart në arkën e shtetit dhe gllabëruar nëpërmjet një vjedhje të sofistikuar miliona auro.
Për shkak të zgjdhjeve lokale, makineritë e asfaltit, skrepat që hapin kanale e shtrojnë tuba ujësjellësi tashmë janë bërë gati. Forma mbetet po e njëjta, ku shumë investime publike do të jepen sipas idesë “brilante” kryeministrore PPP (Partneritet Publik Privat), ose e njohur në formën e saktë si konçension.
Vetëm 20 kilometra rrugë fushore Thumanë-Kashar është parashikuar që të jepen 300 milionë euro një kompanie private për ndërtimin me konçension. Kjo është kostro më e lartë e ndërtimit të një rruge, duke thyer rekordet boterore, gati të ngjashme me kostot e tuneleve detare. Edhe nëse është e vërteta ajo shifër rritje me gjysëm milioni euro dihet se ku do shkojnë…, metoda është e gatshme, PPP na pret.
