Kryetari i opozitës ka veçuar gjatë takimit me gazetarët sot skandalin më të fundit të qeverisë: kërcënimin bërë gjyqtarit shqiptar në Strasbur, Ledi Bianku. “Skandali që shpërtheu para disa ditësh me gjykatësin në Strasburg tregon sesi Edi Rama kontrollon sistemin e drejtësisë dhe Vetingun. Kur dërgohen emisarët e Ramës në Strasburg që të kërcënohet dhe joshet gjyqtari atje, imagjino se çfarë ndodh këtu!
Imagjinoni se çfarë presioni u bëhet atyre komisionerëve të Vetingut që nuk vijnë nga paradhoma e Edi Ramës – se ka nga ata që janë kontigjente kriminale, subjekte të ligjit Antimafia, që i ka jo në xhep por në poture – të tjerëve mendoju se çfarë presioni u bëhet…
Nga Ardian Dvorani tek Dritan Halluri me shokë. Të paktën 11 të tillë, gjyqtarë dhe prokurorë, që qartësisht dhe nga raportte e Vetingut, dukshëm nuk plotësojnë kriteret e figurës por i duhen Edi Ramës për të mbrojtur vjedhjet e Edi Ramës dhe kontigjnetin kriminal.”