Dr.Flori nuk jeton më, mirëpo kujtimi për të është i gjallë dhe më i fortë se kurrë. Edhe pse po bëhen pothuajse 4 vite që nga ndarja nga jeta e këngëtarit të njohur Dr. Florit, miqtë nuk harrojnë ta kujtojnë dhe të shprehin mallin për mikun e tyre.
Të njëjtën gjë ka bërë mbrëmjen e djeshme edhe këngëtarja Aurela Gaçe, e cila ka bërë një postim emocionues për mikun e saj të ndjerë. Ajo ka shkëputur disa fragmente nga kënga “Baba në ktë skenë”, nëpërmjet të cilës shpreh mallin e madh që ndjen për Dr. Florin.
Aurela Gaçe dhe Dr.Flori
Flori… mungon për bisedat, humorin, nervin, shpirtin e pastër, për ato ide që vetëm ti i kishe. Në çdo koncert je me mua, e sa herë këndoj pak nga ato që na le, ta dish se publiku këndon me shpirt.
Postimi i Aurela Gaçes
