Senatori amerikan John McCain ka vizituar Tiranën në kuadër të turit zyrtar disaditor të nisur në rajonin e Ballkanit. Kryetari i Komisionit të Forcave të Armatosura në Senatin Amerikan pati një sërë takimesh me zyrtarët më të lartë të shtetit dhe të opozitës, ku u njohë me situatën politike dhe shqetësimet thelbësore të ngritura prej palëve.
Senatori amerikan John McCain ka vizituar Tiranën në prill të vitit të kaluar në kuadër të turit zyrtar disaditor të nisur në rajonin e Ballkanit.
Atëherë Kryetari i Komisionit të Forcave të Armatosura në Senatin Amerikan pati një sërë takimesh me zyrtarët më të lartë të shtetit dhe të opozitës dhe përcolli një sërë mesazhesh.
Takimin e parë, me të mbërritur në Tiranë më 14 prill Senatori amerikan John McCain e kreu me Mimi Kodhelin, që atëherë mbante postin e ministres së Mbrojtjes dhe Donald Lu që atëherë ishte në postin e ambasadorit të SHBA në Tiranë.
Senatori McCain u takua edhe me Bujar Nishanin, atëherë, President, Kryeministrin Edi Rama, Ilir Metën, atëherë kryetari i Kuvendit dhe udhëheqësin e opozitës Lulzim Basha.
Po ashtu vëzhgoi ushtrime ushtarake dhe u takua me anëtarë të Forcave të Armatosura të Shqipërisë.
Reforma në drejtësi, lufta kundër ISIS, si edhe partneriteti ushtarak SHBA-Shqipëri në kuadër të forcave të NATO-s, ishin tre pikat e takimit në Tiranë të Senatorit amerikan John McCain. Në një njoftim në faqen zyrtare të Ambasadës Amerikane thuhej se gjatë vizitës disa orëshe në Tiranë, McCain theksoi se i duhet dhënë rëndësi Reformës në Drejtësi, si edhe përpjekeve për të luftuar terrorizmin.
