Partizani rimerr kryesimin, të paktën përkohësisht, deri në përfundimin e takimit të sotëm mes Tiranës dhe Skënderbeut, përmbyllës i javës së 31-të të Kategorisë Superiore. Të kuqtë kanë fituar me rezultatin 1-0 në transfertën ndaj Kukësit, në një ndeshje të vendosur “in-extremis” falë golit të bomberit Xhevair Sukaj. Një ndeshje e vendosur sa nga goli i Sukajt, po aq edhe nga penalltia e pritur nga portieri rezervë i Partizanit, Xhika i cili u fut në lojë pas ndëshkimit të kapitenit Alban Hoxha me karton të kuq.
Falë kësaj fitore, skuadra e Partizanit merr kryesimin, të paktën përkohësisht, duke kryesuar me dy pikë ndaj Skënderbeut që pritet të ndeshet me Tiranën. Kukësi-Partizani 0-1, vendosi goli i Sukajt. Deçizive ishte kjo javë edhe për fundin e klasifikimit. Ndonëse beteja mbetet më e hapur se kurrë në garën për mbijetesë, sot u vendos një shkëmbim vendesh në zonën e ftohtë mes Bylisit dhe Flamurtarit. Vlonjatët, të mundur në transfertë ndaj Vllaznisë me rezultatin 2-1, janë pozicionuar në vend të parafundit të klasifikimit, me 28 pikë.
Po aq pikë numëron tashmë edhe skuadra e Bylisit e cila fitoi në shtëpi ndaj Laçit me rezultatin 1-0, për të marrë frymë si superiore, teksa renditet në vend të tetë, me pikë të barabarta me Flamurtarin. Vllaznia-Flamurtari, vlonjatët zbresin në zonën e akullt. Skuadra e Teutës ka bërë detyrën teksa në transfertë ndaj Tërbunit ka fituar me rezultatin 4-1. Një goleadë që duke përfituar edhe nga humbja e Kukësit, i ka shërbyer ekipit durrsak në garën për vendin e tretë, teksa tashmë renditet aty me pikë të barabarta me verilindorët, që sot regjistruan humbjen e parë pas dhjetë rezultatesh pozitive.
Kukësi – Partizani 0-1 Shënues: Sukaj
Kukësi: Koliçi, Hallaçi, Malota, Lladrovci, Mici, Nika, Karioka, Musolli, Flores, Dvornekoviç, Emini. Trajner: Klodian Duro
Partizani: Hoxha, Fejzullahu, Atanda, Krasniqi, Kalari, Trashi, Filipe, Batha, Vila, Torasa, Sukaj. Trajner: Andrea Agostineli
Gjyqtar: Lorenc Jemini
Vllaznia – Flamurtari 2-1
Shënues: Cicmil 02′, Shtubina / Dushku 86′
Vllaznia: Dragojeviç, Kapaklija, Vrapi, Cicmil, Marku, Tafili, Krymi, Sefa, Vecaj, Kalaja, Shtubina. Trajner: Armando Cungu
Flamurtari: Lika, Krasniqi, Marku, Lakoste, Idrizaj, Curri, Nikolini, Lushtaku, Da Silva, Alvesh. Trajner: Zekerija Ramadani
Tërbuni – Teuta 1-4
Golat: Kacaj 08’/ Magani 02′, Musta 40’+2′, Magani 76′ , Hila 84′
Tërbuni: Haxho, Kule, Beci, Tasiç, Kaçaj, Dedyn, Gavzaj, H. Marku, Lala, Ëilker, Jovanoviç. Trajner: Viktor Gjoni
Teuta: Moçka, E. Hoxha, R. Hoxha, Shkalla, Lukiç, Lena, Hila, Hodo Musta, Magani Bernardo. Trajner: Gugash Magani
Bylisi – Laçi 1-0
Shënues: Varea
Bylis: Frashëri, Dukiç, Alla, Simiç, Peposhi, Muskaj, Bilali, Gava, Varea, Izuçuku, Hoxhaj. Trajner: Adnand Zilxhoviç
Laçi: Selmani, Ademir, Gjoni, Buljan, Sefgjini, Gocaj, Veliaj, Zefi, Musaj, Dosti Nimani. Trajner: Ramadan Ndreu
