Kreu i sekretariatit për sigurinë në PD, Enkelejd Alibeaj në një dalje për mediat ka akuzuar kryeministrin Rama se po përgatit një tjetër bandë për të zhvatur pronat.
Ai tha se pas aferave me Emiljano Shullazin në Durrës, një tjetër aferë me një bandë po përgatitet për pronat në kryeqytet.
“Edi Rama ka në plan që t’i japë bandës tjetër të preferuar të tij për të ngritur një godinë. Bëhet fjalë për një truall në Tiranë që shndërrohet në kullë betoni, zhvatjeje e korrupsioni. Banda e Shullazit, me Edi Ramën, mori pronën më të çmuar në mes të Durrësit. Tashmë, Rama po mundohet të shpërblejë Shullazin dhe bandën tjetër, me të cilën ka marrëdhënie që kur u zgjodh kryetar bashkie, me këtë truall”, ka deklaruar Alibeaj.
Sipas tij, “kjo është qeveria e bandave”. “Edi Rama i është futur popullit me kërbaç, ndërsa për vete ndan me bandat pronat e vendit”, ka shtuar Alibeaj.
