Një gjykatë libiane dënoi dje me vdekje 45 milicë të akuzuar për vrasjen e protestuesve në kryeqytetin libian, Tripolit gjatë revoltës kundër regjimit të Muamar Kadafit në vitin 2011, njoftoi Ministria e Drejtësisë.
”Një numër i përgjithshëm prej 124 personash u gjykuan në këtë çështje”, saktësoi Ministria në një komunikatë shtypi, ku media ka mundur të sigurojë një kopje. Nga këta 45 u dënuan me vdekje për vrasje, 54 me pesë vite burg dhe 22 u shpallën të pafajshëm nga Gjykata e Apelit të Tripolit.
Kjo çështje lidhet me ngjarjet e 21 gushtit 2011, data e fillimit të çlirimit të kryeqytetit libian nga regjimi i Kadafit, gjashtë muaj pas shpërthimit të një revolte popullore për rrëzimin e tij. Milicë pro-Kadafit hapën zjarr në atë kohë dhe vranë dhjetëra manifestues pranë lagjes Abou Slim.
