Gjykata e Krimeve të Rënda ka lënë në burg 21-vjeçarin suedez Sebastian Vall, që u kap duke trafikuar 19 pistoleta.
I riu nga Suedi u kap tre ditë më parë në doganën e Muriqanit duke udhëtuar me autobusin e linjës Kosovë-Gjermani. Armët i kishte të fshehura në një çantë. Para trupës gjykuese, ai tha se kishte qëndruar disa ditë në Kosovë dhe armët do t’i dërgonte më pas në Suedi.
21-vjeçari suedez u shpreh se nuk e njihte personin nga i cili mori armët. Gjykata vendosi që Sebastian Vall do të qëndrojë në paraburgim deri në përfundim të hetimeve.
