Mes dhimbjes dhe lotëve i afërmi i Edi Bokrinës, i riu që humbi jetën pas tragjedisë në Itali, ka treguar detaje nga vdekja e shqiptarit.
Në një lidhje telefonike për ‘News24’ mes tronditjes së thellë, Ruzhdi Mashku konfirmoi faktin se përveç Bokrinës, në makinë ishte dhe një tjetër shqiptar, Marjo Djerra. Po ashtu ai bëri me dije se Edi punonte në një fabrikë.
“Edi punonte në një fabrikë. Edi ka qenë vet i dyti bashkë një shok tjetër, me një djalë nga Durrësi. Edhe ai humbi jetën”, tha Mashku.
Nga shembja e urës Morandi në Genova deri më tani raportohet për 37 të vdekur, ndërsa dhjetra persona mbetën të plagosur.