Nuk ka më dyshime, Lukas Dinje është futbollisti i ri i Everonit. Mbrojtësi francez i Barcelonës, arriti akordin me klubin anglez dhe u prezantua ditën e sotme.
Plot 25 milionë euro pagoi skuadra nga Liverpuli për transferimin e 25-vjeçarit.
Në të kaluarën Dinje është aktivizuar te Lila, PSG, Roma dhe Barcelona.
Katalanasit e blenë për 16.5 milionë euro mbrojtësin nga italianët e Romës.
Francezi nuk ishte titullar te Barcelona ndaj edhe zgjodhi të transferohej tek Evertoni, për të pasur më shumë hapësira.
Dinje bëhet blerja e dytë e Evertonit që kur në drejtim ka shkuar trajneri Marko Silva.
Më parë Evertoni ka blerë mesfushorin Riçarlison për 50 milionë euro.
