Gjyqtari Dritan Hallunaj që la të lirë Arben Frrokun, të dënuar më pas me burg për jetë për vrasjen e Komisarit, Dritan Lamaj, doli i pastër nga vettingu.
E çuditshme, por e vërtetë, pasi disa muaj pasi Hallunaj la të lirë Frrokun, Gjykata e Lartë e prishi këtë vendim, duke e kthyer çështjen dhe më pas i arratisuri u dënua me burg për jetë.
Pas këtij vendimi të komisionit të vettingut, ka reaguar edhe ish-kryeministri Sali Berisha.
Ky është Hallun Veting apo Krim veting!
Krye kreu Edvin Kristaq Rama pastron famozin gjykatës Hallunin!
Gjykatësin, që me urdhër të Ramës liroi në sallën e gjyqit Arben Frrokun, ekzekutorin e provuar me pamje filmike, dëshmitar okular dhe prova laboratorike të komisarit Dritan Lame!
Ky vendim kriminal i Edvin Kristaq Ramës për gjykatës Hallunin dëshmon edhe një herë se vetingu është thjeshtë një hanxhar në duart e tij!
Ky vendim të dashur miq tregon se cilat do të jenë monstrat e drejtësisë së ardhme të reformës orëelliane që do vendosin për të drejtat tuaja, pra ata do të jenë byrazerë të vrasësve, hajdutëve, plaçkitësve, përdhunuesve të qytetarëve nën urdhrat e Edvin Kristaq Ramës!
