Një 34-vjeçar në Shkodër është arrestuar nga policia pasi ishte në kërkim për veprën penale të “Vjedhjes me dhune”. Në pranga ka rënë Agron Ndoci, banues në Velipojë.
Ndalimi i tij u bë pasi Gjykata e Rrethit Gjyqësor Shkodër me vendin Nr.741 datë 27.07.2018, ka caktuar masën e sigurisë arrest me burg për veprën penale të “Vjedhja me dhunë e kryer në bashkëpunim” parashikuar nga neni 139 dhe 25 të Kodit Penal. Materialet iu referuan Prokurisë së Rrethit Gjyqësor Shkodër për veprime të mëtejshme.
