Zjarret shkaktuan një prej tragjedive më të rënda njerëzore në Greqi. Të paktën 80 persona vdiqën, reth 200 u plagosën dhe dhjetëra janë ende të zhdukur. Disa familje u shuan. Një prej rasteve më tragjike është ajo e vdekjes së babait me dy fëmijët e tij, një familje çiklistësh.
Zjarrit i mbijetoi vetëm gruaja, e cila ka shpërndarë një mesazh prekës. Vajza e saj 13-vjeçe, u hodh nga shkëmbi në bregdet për t’i shpëtuar flakëve por mbeti e vdekur.
Ndërkohë, djali i saj 11-vjeç Andreas vdiq në krahët e babait 54-vjeçar Grigoris.
“Po përpiqem të jem si vajza ime e vogël, e cila gjithmonë ishte një luftarake që provoi në çdo mënyrë. E di që Grigoris do të kishte bërë gjithçka për t’i shpëtuar. Fakti që ai dështoi ishte thjesht vullneti i Zotit. Ende më kumbon në vesh zëri i frikësuar i Andreas: “Kam frikë mami, jam shumë i shqetësuar, por do të qëndrojë i fortë. Nuk dua që të vish, pasi gjithçka është mbyllur dhe ndoshta nuk ia del dot. “Unë u përpoqa t’i arrij ata, katër orë përpjekje që t’u afrohesha”, vazhdon letra.
“Më pas hoqa dorë nga përpjekjet, duke menduar që mos të rrezikoja as unë. Nuk kam fjale. Po përpiqem që të identifikojë familjarët e mi, pasi shteti e ka humbur plotësisht kontrollin në këtë drejtim-unë mund t’ju them se kam humbur gjithçka. Përqafoni fëmijët tuaj çdo ditë!” shkruan ajo.
