Amabsadën shqiptare në Athinë shprehet se deri tani nuk ka të dhëna se mes viktimave të zjarrit të ketë edhe shqiptarë.
Ambasada informon se është në komunikim të vazhdueshëm me përfaqësuesit e komunitetit në zonat e goditura nga zjarri dhe autoritetet lokale.
Ndërsa zjarret rreth Athinës po vazhdojnë për të dytën ditë, bilanci deri më tani rezulton tepër tragjik. Autoritetet zyrtare greke flasin për 50 te vdekur dhe mbi 150 persona te plagosur por bilanci pritet të rritet.
Ambasada shqiptare ka vendosur në dispozicion numrin . +30 6941658183 për çdo shqiptar që ndodhet në zonën e rrezikut dhe kërkon ndihmë. Ambasada gjithashtu shpreh ngushëllimet e saj më të sinqerta për familjet e viktimave të zjarreve në Greqi, ndërsa shprehim mbështetjen tonë të plotë ndaj autoriteteve greke.
