Ariana Grande ka mbrojtur të fejuarin e saj në një këngë të re, të cilën e ka quajtur “Pete” dhe do jetë pjesë e albumit të saj të ardhshëm.
Ajo është komentuar gjatë për lidhjen e saj me komikun amerikan Pete Davidson, i cili u kritikua për një shaka që tha për sulmin terrorist që u bë në Manchester.
Në një përgjigje për fansat që donin të dinin përfshirjen e tij në këngë, Ariana tha: “Ai është i fejuari im”.
Më pas shtoi: “Ky është albumi im. Unë jam një artiste e ndershme dhe emocionale si dhe qënie njerëzore. Nëse puna ime nuk do ishte e mirë për ju, unë nuk ofendohem”.
Kështu mbylli gojën e të gjithëve Ariana duke treguar se Pete do jetë në albumin e saj të katërt, që do publikohet në gusht.
