Prokuroria e Krimeve të Rënda kërkon 4 vjet burg për Prokurorin e Krujës, Haxhi Giu, i arrestuar me akuzat “korrupsion pasiv” dhe “shperdorim detyre”.
Organi i akuzës kërkon gjithashtu që Giu të mos ushtrojë detyrën për tre vjet.
Ndërkohë, Prokuroria ka kërkuar 2 vjet burg për Aleks Shporin.
Giu u arrestua me 2 dhjetor të një viti më parë me akuzën se kishte marrë ryshfet rreth 29 mijë euro për të ndryshuar akuzën penale ndaj një shtetasi.
Ai përfitoi gjykim të shkurtuar,çka në fund të procesit do të përfitojë uljen me 1/3-n të masës së dënimit.
Gjykim i shkurtuar është zhvilluar edhe për të arrestuarin tjetër Aleks Shporin.
