Roma dhe Liverpool, raportojnë mediat britanikë, kanë arritur sot marrëveshjen për transferimin e portierit Alisson Becker. 25-vjeçari do të largohet nga Italia për të shkuar në ishull për shkak të 75 mln eurove që “the reds” do paguajnë te verdhekuqtë.
Për këtë arsye “Daily Mail” i ka bërë një biografi për ta njohur më mirë brazilianin.
Largimi i Wojciech Szczesny sezonin e kaluar i krijoi mundësinë lojtarit të shfaqte cilësitë e tij, që nga çfarë raportohet më lart duket se ka shkëlqyer.
Becker është një portier që po ta shohësh në stërvitje duke përdorur topin me këmbë ngjan mjaft me Lionel Messi-n apo Cristiano Ronaldo-n. Aftësitë e tij për të luajtur me këmbë janë dalluar përgjatë gjithë sezonit, por edhe me kombëtaren e Brazilit.
Alisson është një njeri i përulur- Ai është martuar me një doktoreshë të cilën e ka njohur gjatë kohës që luante te Internacional me të cilën ka edhe një vajzë, të quajtur Helena.
Në shkurt për gazetën ‘SportWeek’ Alisson deklaroi: “Gruaja ime Natalia u largua nga Brazili 5 muaj pasi u diplomua për të mos më lënë vetëm. Kjo do të thotë shumë për mua. Ndihesha i emocionuar teksa e mbështesja atë ndërkohë që mbaronte studimet në universitet.
Besoj se kjo më ka bërë mua të jem ndryshe nga futbollistët e tjerë. Dhe, nëqoftëse t’i nuk ndihesh mirë, është më mirë të jetosh me një doktoreshë se sa një modele.”
Në të njëjtën intervistë portieri ka zbuluar se të qenit një seks simbol e ka bërë të përjetojë situata të vështira teksa ishte së bashku me gruan.
“Ne shkuam në një restorant kur fituam kampionatin me Internacional dhe atje kishte shume fanse që përpiqeshin të vinin afër nesh. Njëra prej tyre u përpoq të më prekte mua në shpinë, por gruaja ime ndërhyri për të mos e lejuar këtë.”
Krahasimi me Buffon- Sezonin e kaluar Alisson e la në hije portierin e Juventusit, duke bërë më shumë pritje se ai. Në bazë të statistikave braziliani bënte më shumë shpëtime të portës sesa çdo rival tjetër. Kuptohet për të njëjtën numër pritjesh.
Me zyrtarizimin e marrëveshjes me Liverpool-in Alisson do të bëhet portieri më i shtrenjtë në “Seria A”. Këtë rekord e mbante Buffon që në 2001 kaloi nga Parma te Juventus për 56 mln euro.
