Policia e Shkodrës dhe Forcat e Ndërhyrjes së Shpejtë kanë ndërmarrë një operacion duke arrestuar tre të rinj me armë e drogë.
Policia thotë se këta persona dyshohen edhe për disa vepra të tjera penale por pa dhënë detaje për akuzat.
Lidhur me operacionin policia thotë se dje u arrestuan në flagrancë shtetasit:
Enduel Bajraktari, 29 vjeç, banues në Vau i Dejës;
Mirjan Ndoj, 27 vjeç, banues në Vau i Dejës;
Marisjen Gjoka, 20 vjeç, banues në Vau i Dejës.
Arrestimi i tyre u bë pasi gjatë kontrollit të ushtruar në ambientet e sallës lojërave euro loto, në qytet Vau i Dejës, u gjetën dhe u sekuestruan në cilësinë e provës materiale një armë zjarri automatik model 56 dhe dy pistoleta tip TT.
Gjithashtu gjatë kontrollit të ushtruar në banesën e shtetasit Enduel Bajraktari u gjet dhe u sekuestrua 500 gram lëndë e narkotike Cannabis Sativa.
Vijojnë hetimet për këto shtetas pasi dyshohen se janë autorë për disa vepra penale të tjera.
Materialet iu referuan Prokurorisë së Rrethit Gjyqësor Shkodër për veprat penale “Prodhimi dhe shitja e narkotikëve” e “Mbajtja pa leje dhe prodhimi i armëve shpërthyese dhe i municionit” parashikuar nga nenet 283 e 278 të Kodit Penal.
