Me rastin e vizitës së Kryetarit të Bashkisë së Tiranës së bashku me nxënësit e klasës së 9-të të “Shkollës së Kuqe” në ambientet e CCBS (Coca-Cola Bottling Shqiperia Sh.p.k.), u prezantuan dy projekte të rëndësishme: Vizita në Fabrikën Coca – Cola dhe Parku i Lojërave Coca-Cola.
Të pranishëm në këtë event ishin Kryetari i Bashkisë së Tiranës, Erion Veliaj, Blendi Gonxhe, Drejtor i Agjencisë së Parqeve dhe Rekreacionit; Përfaqësuesit e CCBS, Presidenti, Luca Busi, Administrator i Përgjithshëm, Cristina Busi Ferruzzi dhe Drejtori i Përgjithshëm, Luigi Verardo.
Projekti “Vizitë në Fabrikën Coca – Cola”
Është një eksperiencë unike të shohësh nga afër se si prodhohet pija më e famshme në botë. Çdo vit Coca – Cola mirëpret më tepër se 2000 nxënës dhe studentë dhe ka si objektiv të risi këtë numër çdo vit. Për vitin e ardhshëm parashikojnë 3000 vizitorë.
Gjatë vizitës ata kanë mundësinë të shohin nga afër praktikat e punës, si edhe të fitojnë eksperiencë mësimore mbi funksionimin e linjave të prodhimit dhe aktivitetin e operatorëve.
Por, Synimi i Coca-Cola është që të nxisë një stil jete aktive e të shëndetshme. Kjo është arsyeja pse, në bashkëpunim me Bashkinë e Kryeqytetit, CCBS do të investojë dhe ndërtojë “Parkun e Lojërave Coca-Cola”.
Z. Luigi Verardo, Drejtor i Përgjithshëm i CCBS, u prezantoi pjesëmarrësve projektin e Parkut të Lojërave dhe u shpreh: “Nisma e Parkut të Lojërave u jep mundësinë të rinjve të kenë një hapësirë të dedikuar pranë vendbanimit, ku mund të luajnë dhe argëtohen”.
Nga ana e tij, kryetari i Bashkisë së Tiranës, Erion Veliaj, theksoi vlerën e madhe që ka mbështetjen e sipërmarrësve private në projektet për komunitetin dhe krijimin e hapësirave argëtuese. Sipas tij, kompani si kjo, tregojnë këmbënguljen e tyre për të qëndruar pranë nevojave të komunitetit edhe pse asnjë ligj nuk i detyron ato të sposorizojnë parqe, apo aktivitete sportive për argëtimin e popullsisë.
Nga ana e tij, Presidenti i CCBS, Luca Busi theksoi se “ne jemi gjithmonë krenarë për të kontribuar në zhvillimin e hapësirave publike, me një këndvështrim të orientuar drejt natyrës së gjelbër dhe me programe të dedikuara për stilin e jetesës së shëndetshme”.
Programet e dedikuara si “Të rinj të gëzuar” dhe “Pas Shkolle” do të jenë një shtysë për të ndryshuar mënyrën e jetesës, duke nxitur të rinjtë të luajnë me njëri – tjetrin në natyrë, krijimtarin e artistike etj.
