Princ Harry dhe Meghan Markle e kanë bërë të qartë të dy që i pëlqejnë fëmijët. Megjithatë në intervistën e dhënë për BBC në nëntor, kur ata u fejuan, Harry tha se edhe pse duan të kenë fëmijë, tani nuk është momenti i duhur, por në të ardhmen patjetër që po.
Por fansat e tyre janë të paduruar kur vjen puna te kjo çështje. Duke parë se sa të bukur janë Princ Xhorxhi, Princeshë Sharlota dhe Princ Luis, ata mezi po presin të shohin Meghan-in me një bark të rrumbullakosur.
Duka dhe Dukesha e Sussex ndodheshin për një vizitë në Irlandë, e ndërsa po përshëndetnin fansat një grua i bën pyetjen më argëtuese që mund të imagjinohet Harry-t: “Edhe burri im i ka flokët e kuqe e më dha 5 fëmijë. Kur do t’ja nisni ti dhe Meghan?”
Sipas të ndodhurve aty, Harry ka qeshur dhe ka thënë, “5 fëmijë? Janë shumë.”
Gruaja që i bëri pyetjen ndodhej mes turmës për të përshëndetur çiftin mbretëror se bashku me 5 fëmijët e saj Nathan 10, Adelaide 8, Malachy 7, Siwan 5 dhe Portia 2 vjeç.
