Kanë dalë detaje të reja në lidhje me hetimet që po bëhen për ish-ministrin e Brendshëm, Saimir Tahiri.
Në saj të këtyre provave, prokuroria ka zgjatur hetimet edhe me 3 muaj për Tahirin.
Burime nga prokuroria kanë bërë të ditur se gjatë hetimeve janë zbuluar fotografi të Saimir Tahirit ne një skaf luksoz.
Ngjarja ka ndodhur në vitin 2014.
Ai ka qenë duke udhëtuar në skaf nga Mali i Zi në Leçe, kur ka pësuar difekt.
Më pas Tahiri ka telefonuar Artan Habilajn për ta rregulluar.
Tahiri vetë më pas është larguar me një skaf tjetër.
Prokuroria kërkon të hetojë për të mësuar se kush ka qenë me ministrin e Brendshëm të kohës.
