Me një gjuhë ironike deri në tallje,- Zëri i Amerikës ka komentuar pamjet ku Presidenti i KE-së, Zhan Klod Junker është në gjendje të dehur dhe nuk e mbajnë këmbët.
Sipas Zërit të Amerikës, që ka bërë publike pamjet në faqen zyrtare të Facebook, duket se ky samit i NATO-s ka qenë i vështirë veçanërisht për Presidentin e KE-së.
“Nëse samiti i NATO-s ishte i vështirë për dhjetëra udhëheqës që merrnin pjesë, ai duket se ka qenë edhe më i vështirë për Presidentin e Komisionit Europian, Jean-Claude Juncker.
Udhëheqësi i BE-së u pa të pengohej dhe të humbiste balancën e tij disa herë përpara një darke gala të mërkurën. Zyra e zotit Juncker nuk pranoi të komentojë, duke përmendur shqetësimet e privatësisë“, shkruan Zëri i Amerikës në faqen në Facebook, ndërsa ka nxjerrë edhe videon e mëposhtme.
