Të gjitha kanë mbetur të habitur se si Luis Enrique i ka braktisur rotacionet e zakonshme të vitit të kaluar. Por, për këtë gjë është arsyetuar bindshëm të dielën ndihmësi i tij. Kur u pyet pse bën pak zëvendësime në formacion, ai tha se nuk ka asnjë të denjë në “garderobë”, që të bëjnë ndryshimin nga stoli.
Dhe kjo nuk është për shkak se nuk janë bërë blerje, teksa dihet se ka pasur një investim multimilionë dollarësh. Kishte një pengesë, në fillim, teksa FIFA e kishte sanksionuar klubin katalanas të mos regjistronte lojtarë për dy “dritaret” e merkatos, verën e kaluar dhe janarin e këtij viti. Luis Enrique nuk po e nxjerr dot Barcelonën nga kriza ku është futur Luis Enrique dhe sekretariati teknik duhej ta kishin marrë parasysh këtë faktor. Barcelona ka nënshkruar për dy vjet me lojtarë, të cilët vlejnë 162 milionë euro, ndërsa këtë sezon ka shpenzuar 58 milionë euro për Arda Turan dhe Aleix Vidal.
Në total janë 220 milionë euro, që Barça i ka investuar në dy sezonet e fundit. Suarez Bravo, Ter Stegen dhe Rakitiç kanë qenë një sukses. Pjesa tjetër e 9 blerjeve nuk mund të jetë e tillë. Dëmtimet kanë frenuar Vermaelen, Douglas dhe Mathieu, ndërsa Aleix Vidal dhe Arda nuk kanë gjetur besimin e trajnerit. Barcelona duket e varur plotësisht nga “tridenti” MSN Por, një nga shkaqet rrënjësore të situatës së krijuar te skuadra katalanase është largimi i lojtarëve të tillë, si Xavi dhe Pedro, të cilët kanë qenë krejt ndryshe dhe nuk janë zëvendësuar dot nga të ardhurit e tjerë.
Ja të gjitha nënshkrimet (përforcimet) e Luis Enrique:
1. Luis Suarez – 81.2 milionë euro
2. Ter Stegen – 12 milionë euro
3. Claudio Bravo – 12 milionë euro
4. Ivan Rakitic – 18 milionë euro
5. Jeremy Mathieu – 20 milionë euro
6. Thomas Vermaelen – 15 milionë euro
7. Douglas – 4 milionë euro
8. Arda Turan – 40 milionë euro
9. Aleix Vidal – 18 milionë euro
