Me pritjet e tij ka qenë vendimtar në fitoren 2-0 që Anglia arriti ndaj Suedisë në çerekfinalet e Kupës së Botës “Rusi 2018”, duke u kthyer në një idhull për fansat britanike. Madje mediat britanike shprehen se tashmë kanë një portier të denjë për fanellën e kombëtares, duke i besuar 24-vjeçarit që aktivizohet me skuadrën e Everton në Premier League.
“Një fitore fantastike, është diçka e mrekullueshme që jemi kualifikuar në gjysmëfinalen e Botërorit”, tha Pickford pas fitores 2-0 ndaj Suedisë, ku realizoi të paktën 3 pritje vendimtare.
“Jemi një grup fantastik futbollistësh, të rinj dhe me dëshira të mëdha për t’i realizuar. Asnjë nga ne nuk dëshiron më që të kthehet në shtëpi pa trofeun, ndaj duam të vazhdojmë dhe besojmë”, tha më tej portieri i kombëtares së “3 luanëve”, protagonist në këtë turne.
“Trajneri ka treguar aftësitë e tij për të drejtuar këtë grup. Në dy vitet e fundit kemi punuar shumë dhe tani po korrim rezultatet e kësaj pune. Secili prej nesh është një kampion që bën diferencën në fushë dhe së bashku punojmë për të dhënë më të mirë për kombëtaren”, tha Pickford.
