Keni frikë se fëmija juaj adoleshent ka filluar pirjen e duhanit? Ekzistojnë disa sinjale të qarta që ta zbuloni këtë.
Ja pra 7 sinjale të qarta për të treguar nëse një adoleshent pi cigare:
1. Aroma e rrobave të tij/saj. Në përgjithësi ky është sinjali i parë tregues që i vë në alarm prindërit. Era e tymit në rroba dhe flokë qëndron gjatë.
2. Dritaren e dhomes e lë shpesh hapur. Mund të ndodhë që adoleshentët në mungesë të prindërve të pinë duhan edhe në dhomën e tyre: Në qoftë se ju vini re se fëmija juaj ka një tendencë për të lënë shpesh hapur dritaret për të ndryshuar ajrin, ky mund të jetë sinjal se është duke u përpjekur për të larguar erën e duhanit.
3. Konsumon shpesh çamçakëz ose mente. Vini re nëse i konsumon shpesh çamçakëzët apo mentet. Nëse do të largojë aromën e duhanit nuk do të qëndrojë dot pa to.
4. Një paketë në xhep. Nëse kur ia merrni rrobat për t’i larë gjeni çakmak apo një paketë, mund të jetë një shenjë shumë e qartë se ai/ajo ka filluar pirjen e duhanit.
5. Nuk e dini se si i shpenzon paratë që i jepni. Nëse ai/ajo ju kërkon të tjera para përveç atyre që i jepni zakonisht, hetoni më tej sepse paratë shtesë mund t’i shërbejnë për të blerë paketa cigaresh.
6. Gishta të zverdhur. Tymi i cigares lë gjurmë shumë të dukshme, si dhe të shëmtuar në trup, të tilla si zverdhja e gishtërinjve dhe thonjve ose e dhëmbëve.
7. Kollitet shpesh. Së fundi, ka kollë të vazhdueshme që ndodh kryesisht në mëngjes dhe zbehet gjatë ditës, mund të tregojë se ai/ajo pi duhan, edhe nëse e ka filluar vetëm kohët e fundit. Ky është në fakt një nga sinjalet më të menjëhershme që tregon se një person është duhanpirës. Burimi: DireDonna
