Kryeministri Edi Rama e ka shmangur sot betejën në Kuvend me opozitën dhe përplasjen me protestuesit jashtë për projektligjin që ka sjellë për votim për shembjen e teatrit Kombëtar.
Rama ka shkuar në konferencën “Forca e Ligjit në veprim”, ku ishte i pranishëm dhe ambasadori amerikan Donald Lu dhe ka vlerësuar punën e Policisë së Shtetit si ” një bazë e sigurtë për thellimin e luftës kundër krimit të çdo natyre”.
Sipas Ramës në fjalimin që mbajti, “sot Shqipëria ëhstë një hap më pranë BE dhe jemi sfiduar në një periudhë 12-mujore qoftë për të realizuar me sukes procesin analizitik për negociatat, qoftë për të materializuar të gjitha ato aspekte të shtetbërjes që lidhen drejtpdrejt me çdo standart në funksion të vetë procesit të engociatave.
Është me rëndësi të mos harrohet sa herë flitet për krimin e organizuar, kriminalitetit në të tërsi, për paprekshmërinë se bëhet fjalë për një problematikë komplekse dhe nëse deri 4 vjet më parë, Policia e Shtetit ishte institutucioni më i diskretituar bashkë me prokurorinë dhe gjykatat, sot ka nëj ndryshim cilësor në perceptimin e opinionit publik.”
