Sot është thirrur një protestë përpara parlamentit kundër shembjes së teatrit kombëtar. Edhe pse ishte lajmëruar në orën 10:00, ajo ende nuk ka nisur. Fotot nga sheshi përpara parlamentit, ku siç shihet kanë mbërritur protestuesit e parë, ndërsa me dhjetëra forca policie janë vendosur në rresht për të “mbrojtur” godinën dhe deputetët.
Protesta, thonë organizatorët do të jetë paqësore. Qëllimi është të ndalohet miratimi i ligjit që i hap rrugë marrëveshjes me privatin për të shembur godinën e teatrit që ndodhet në zonën muzeale të Tiranës dhe ndërtimin e disa kullave.
