Testi i AND-së po zhvillohet si një pjesë procesi për të ribashkuar fëmijët emigrantë që janë ndarë nga prindërit e tyre në kufirin Meksikë-SHBA.
“Siguria është me rëndësi dhe se nuk është e pazakontë që fëmijët të trafikohen ose të kontrabandohen nga ata që pretendojnë se janë prindërit e tyre. Dhe kjo bëhet për të përshpejtuar verifikimin prindëror dhe për të siguruar ribashkimin e fëmijëve me prindërit e verifikuar për shkak të shqetësimeve mbi mirëqenien e fëmijëve,“-tha një zyrtar, raporton CNN.
Burimi nuk tregoi se përsa kohë po aplikohet praktika, nëse testi kërkon miratim dhe nëse ADN-ja ruhet në një bazë të dhënash.
Jennifer K. Falcon, drejtor i komunikimit për RAICES, një organizatë jofitimprurëse në Teksas që ofron shërbime juridike falas dhe me kosto të ulët për emigrantët dhe refugjatët, e quajti masën të mjerueshme sepse mbledhja e të dhënave të tilla të ndjeshme do t’i lejonte qeverisë të vëzhgonte fëmijët për gjatë gjithë pjesës tjetër e jetës së tyre.
“Ky është një demonstrim i mëtejshëm i paaftësisë së administratës dhe pranimi i fajit dhe të çon drejt pikës që ne kemi thënë deri tani. Ata kurrë nuk regjistrojnë prindërit dhe fëmijët siç duhet,”-tha ai.
Falcon tha gjithashtu se nuk është e mundur që fëmijët emigrantë, disa më të vegjël se dy muajshtë japin pëlqimin e tyre për testin e ADN-së.
Organizata tha se nuk kishin dëgjuar kurrë më parë se testi i ADN-së ishte bërë për të ribashkuar familjet dhe ata nuk e mbështesin këtë lëvizje.
