Një çift bashkëshortësh shqiptarë në Itali janë arrestuar këtë mërkurë, pasi janë kapur me kokainë dhe mijëra euro. Në pranga ka përfunduar një 35-vjeçar dhe bashkëshortja e tij 25-vjeçare.
Identitetet e tyre nuk bëhen të ditura. Karabinierët kanë arrestuar fillimisht në komunën “San Mauro Pascoli” 35-vjeçarin, i cili u kap duke i shitur kokainë një të riu.
Pas ushtrimit të kontrollit në banesë, karabinierët kanë arrestuar edhe gruan e tij, e cila u mundua të fshihte 21 doza kokainë. K0kaina që rezultoi me një peshë totale prej 9.5 gramë, u sekuestrua bashkë me 7.750 euro që u gjetën në banesë.
