Incidenti fatal që u verifikua javën e kaluar në Marakesh (Marok), ku u përfshi lojtari maroken, Amin Harit, do hetohet javën e ardhshme nga gjykata për “vrasje me paramendim”. Kështu ka bërë me dije agjencia spanjolle “EFE”.
Të premten e kaluar, Amin u bë pjesë e një aksidenti automobilistik ku mbeti pa jetë një 28-vjeçar.
Mesfushori po drejtonte makinën e tij, në rrugën e kthimit nga Botërori rus.
Lojtari, i cili raportohet të ketë drejtuar mjetin me shpejtësi të madhe, duke konsideruar vendin edhe orën, aktualisht në liri me kusht, do shfaqet në apelimin e parë më 11 korrik, pasi pagoi 10.000 DH (Dirham, monedha marokene), rreth 2.000 euro.
