Pas paraqitjes pozitive të Kylian Mbappe dhe Edinson Cavani, të cilët i ka shokë tek francezët e PSG-së, kapiteni i Brazilit, Thiago Silva shpreson tek një paraqitje e mirë dhe e një tjetër futbollisti të kampionëve të Ligue 1, Neymar.
Të hënën, Brazili përballet me Meksikën në “Samara” dhe Thiago është i bindur se 26-vjeçari mund të ndjekë hapat e kolegëve të tyre tek PSG-ja.
“Kur po shikoja ndeshjet dje, mendova se në lojën tonë do të jetë një Neymar mjaft i frymëzuar. Ata [Cavani dhe Mbappe] ishin të dyja thelbësorë në fitoren e skuadrës së tyre. Gjithashtu, pavarëisht se u eliminua edhe Angel Di Maria luajti shumë mirë.
“PSG ishte i përfaqësuar mirë, por ne jemi duke folur për ekipin kombëtar dhe mendoj se ne jemi të balancuar mirë. Në momentet e duhura sulmuesit kanë liri të bëjnë atë që bëjnë mirë … shpresojmë që nesër është një ditë e mrekullueshme dhe Neymar është frymëzuar, si lojtarët e tjerë. “-deklaroi Silva në konferencën për shtyp përpara kësaj përballjeje.
Brazilit i mungon trofeu i Kupës së Botës prej 16 vitesh dhe ky vit besohet se është i duhuri për t’i shkuar deri në fund.
